રાજકોટઃ 21 મેના રોજ સાવરકુંડલામાં 3 વર્ષની બાળકી પર 35 વર્ષીય એક રિક્ષાચાલક દ્વારા દુષ્કર્મ આચરવાના મામલે અમરેલી પોલીસે બુધવારે ચાર્જશીટ ફાઈલ કરી હતી. પીડિતાના 4 વર્ષના ભાઈએ વિગતવાર માહિતી આપતા પોલીસે ઘટના બન્યાના બે દિવસ બાદ આરોપી રાજુ માંગરોળીયાની ધરપકડ કરી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
પોલીસે ધરપકડ કર્યાના એક મહિનાની અંદર સાવરકુંડલા પોક્સો કોર્ટમાં ચાર્જશીટ ફાઈલ કરી છે અને DNA રિપોર્ટ પણ સામેલ કર્યો છે. જેમાં તે વાતની પુષ્ટિ થઈ છે કે આરોપીએ જે રિક્ષામાં કુકર્મ કર્યું હતું ત્યાંથી મળી આવેલા સીમન તેના જ છે.
ઘટનાની વાત કરીએ તો, 21 મેની મોડી રાત્રે માંગરોળીયાએ નવલી નદીના કાંઠે આવેલા સ્લમ વિસ્તારમાં પોતાના માતા-પિતા સાથે ઊંઘી રહેલી બાળકીનું અપહરણ કર્યું હતું. તેણે પોતાની રિક્ષામાં બાળકીને હવસનો શિકાર બનાવી હતી અને બાદમાં બાળકીના ઘરથી 4 કિમી દૂર આવેલા ઝીંઝુડા ગામના બસ સ્ટેન્ડ પાસે તેને તરછોડી દીધી હતી.
ચાર્જશીટમાં પોલીસે જણાવ્યું કે, FSL રિપોર્ટમાં તે વાતની પુષ્ટિ થઈ છે કે, રિક્ષામાંથી મળી આવેલા લોહીના ડાઘ પીડિતાના હતા જ્યારે સીમન આરોપીના હતા. બાળકીના પ્રાઈવેટ પાર્ટમાં ખૂબ ગંભીર ઈજા પહોંચી છે, જો કે તે જલ્દીથી રિકવર થઈ જશે. માંગરોળીયા સામે આઈપીસીની કલમ 363, 366, 376, 377 અને પોક્સો એક્ટ હેઠળ ગુનો નોંધવામાં આવ્યો છે.
અમરેલી સુપ્રીટેન્ડેન્ટ ઓફ પોલીસ નિર્લિપ્ત રાયે અમારા સહયોગી અખબાર ટાઈમ્સ ઓફ ઈન્ડિયા સાથે વાતચીત કરતાં કહ્યું કે, ‘DNA રિપોર્ટ મજબૂત પુરાવો છે. આરોપીએ ગમછો પહેર્યો હતો જેનો ઉપયોગ તેણે ક્રાઈમ કરતી વખતે સીટ તરીકે કર્યો હતો. અમે ગમછો FSLમાં મોકલ્યો હતો. જેમાં જાણ થઈ કે કાપડના ટુકડા પર રહેલા લોહીના ડાઘ પીડિતાના છે જ્યારે સીમન આરોપીના છે. આ મજબૂત પુરાવાની સાથે જલ્દી ચૂકાદો આવશે તેવી આશા છે’.
આરોપી કેવો દેખાતો હતો તેના વર્ણન માટે પોલીસે પીડિતાના ભાઈ સાથે બે કલાક સુધી વાતચીત કરી હતી. છોકરો ડરે નહીં અને કમ્ફર્ટેબલ અનુભવે તે માટે પોલીસે તેને આઈસ્ક્રીમ અને ચોકલેટ પણ આપી હતી.
છોકરાએ આરોપીની નાનામાં નાની બાબતો જણાવી હતી. જેમ કે, તેના શર્ટનો કલર, તેની પેટર્ન, લેંઘાનો કલર, આરોપીએ કેવું માસ્ક પહેર્યું હતું વગેરે. તેણે આરોપીના ઓટોરિક્ષા વિશે પણ પોલીસને જણાવ્યું હતું.
from Page Array – I Am Gujarat https://ift.tt/3eyoj30
No comments:
Post a Comment