રાજ્યભરમાં વરસાદનું આગમન થઈ ગયું છે. રાજ્યના અલગ-અલગ જિલ્લાઓમાં વાતાવરણમાં પલટાની સાથે વરસાદી માહોલ જોવા મળી રહ્યો છે. સુરેન્દ્રનગર, અમરેલી, દેવભૂમિ દ્વારકા, ગીર સોમનાથ સહિતના જિલ્લાઓમાં રવિવારે વહેલી સવારથી જ મેઘરાજાની એન્ટ્રી થઈ ગઈ હતી. ત્યારે વરસાદના આગમનના પગલે ખેડૂતોમાં ખુશીની લાગણી છવાઈ ગઈ હતી. બીજી તરફ હવામાન વિભાગે પણ કેટલાક જિલ્લાઓમાં સામાન્યથી ભારે વરસાદની આગાહી કરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
રાજ્યના હવામાન વિભાગની આગાહી મુજબ, અમદાવાદમાં આગામી 48 કલાકમાં સામાન્યથી ભારે વરસાદ પડી શકે છે. ગુજરાતમાં સર્જાયેલા સાયક્લોનિક સર્ક્યુલેશનથી દક્ષિણ ગુજરાત અને સૌરાષ્ટ્રમાં પણ વરસાદની આગાહી કરાઈ છે. આ સાથે દાદરા નગર હવેલી, ગાંધીનગર, સુરત, વડોદરા, રાજકોટ, ગીર સોમનાથ, ભરુચ, સુરત, નવસારી, વલસાડ, ડાંગ અને કચ્છમાં વરસાદની આગાહી કરાઈ છે. સાથે જ તાપી, નર્મદા અને દમણગંગાના નદી કિનારાના વિસ્તારોમાં આગામી 48 કલાક માટે ભારે વરસાદની આગાહી કરાઈ છે.
સુરેન્દ્રનગર જિલ્લામાં આજે સવારથી જ વરસાદી માહોલ છવાયો છે. જેમાં લીંબડી, સાયલા, ચુડા પંથકમાં મેઘરાજાની પધરામણી થઈ હતી. તો બીજી તરફ અમરેલીના ખાંભા અને ધારીમાં પણ વહેલી સવારથી વરસાદ શરૂ થયો હતો. બીજી તરફ રાજકોટના ગોંડલમાં પણ ધીમી ધારે વરસાદ શરૂ થયો હતો. ગીમ સોમનાથમાં પણ સતત બે દિવસથી પડી રહેલા વરસાદના કારણે આંબાખોઈ નદીમાં ઘોડાપૂરની સ્થિતિ તથા સાસણના જંગલ વિસ્તારમાં આવેલી હિરણ નદીમાં પૂરની પરિસ્થિતિ સર્જાઈ હતી. દેવભૂમિ દ્વારકા જિલ્લામાં સાર્વત્રિક વરસાદ જોવા મળી રહ્યો છે. જિલ્લાના કલ્યાણપુર તાલુકામાં બે કલાકમાં 5 ઈંચ વરસાદ નોંધાયો હતો.
from Page Array – I Am Gujarat https://ift.tt/31KtQ33
No comments:
Post a Comment