ફેન્સને માસ્ક પહેરવાની સલાહ આપી રહ્યો હતો અક્ષય કુમાર, પત્નીએ ઉઘાડો પાડતાં કહ્યું…

અક્ષય અને ટ્વિંકલનો પ્રેમ

ટ્વિંકલ ખન્ના અને અક્ષય કુમાર બોલિવૂડના મોસ્ટ લવ્ડ કપલ મનાય છે. આ બન્ને હાલ કોરોના વાયરસની મહામારીના કારણે ઘરે જ છે અને પોતાના બાળકો સાથે લોકડાઉનમાં સાથે સમય પસાર કર્યો છે. ટ્વિંકલ પોતાની દીકરીની સુંદર પોસ્ટ સોશિયલ મીડિયામાં શેર કરતી રહે છે.

અક્ષય ફેલાવી રહ્યો છે જાગૃતિ

તેણે પોતાના પતિ અક્ષયને તેનું ફૂલોવાળું માસ્ક લઈ લેવા બદલ ટ્રોલ કર્યો છે. અક્ષયે માસ્કની જાગૃતિ માટે વીડિયો શેર કર્યો છે, જેમાં તે ફૂલોની પ્રિન્ટવાળું માસ્ક પહેર્યું છે, જે તેની પત્નીનું છે.

અક્ષયે પહેરી લીધું ટ્વિંકલનું માસ્ક

અક્ષય કુમારનું ટ્વીટ શેર કરીને ટ્વિંકલે લખ્યું, “પણ તમારું પોતાનું માસ્ક પહેરો અને પાર્ટનરનું તાજુ ધોયેલું ફૂલોવાળું સરસ માસ્ક લઈ ના લેશો. #SafeNormal” જુઓ આ રહ્યું ટ્વિંકલે કરેલું ફની ટ્વીટઃ

તાજેતરમાં જ આવું બન્યું હતું

સોશિયલ મીડિયા પર ટ્વિંકલ અવાર-નવાર પતિ સાથે મજાક કરતી રહે છે. આ પહેલા Menstrual Hygiene Day પર અક્ષયે ‘Padman’ ફિલ્મ વિશે વાત કરીને પિરિયડ્સ દરમિયાન રખાતી સ્વચ્છતા મુદ્દે ટ્વીટ કરી હતી. જેમાં અક્ષય ટ્વિંકલને ટેગ કરવાનું ભૂલી ગયો હતો અને ટ્વિંકલ રિટ્વીટ કરીને લખ્યું હતું કે, “અરર.. તું હવે ખરેખર મારા નેક્સ્ટ પ્રોડક્શનમાં નહીં હોય! #PadMan” આ પછી અક્ષયે ટ્વીટ કરીને માફી માગતા લખ્યું હતું કે, “પ્લીઝ, મારા પેટ પર પેટ પર લાત ના માર. ટીમને ટેગ કરવાનું ભૂલી ગયો. મારા પ્રોડ્યુસર, @mrsfunnybones, ડિરેક્ટર #RBalki અને એ વ્યક્તિ @murugaofficial કે જેના વિના Padman શક્ય નહોતી.”

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2WHI6WX