ઓક્સફર્ડની કોરોના વેક્સીન પહેલા કોને મળશે? ભારતીયો માટે છે આ ગુડ ન્યૂઝ

ઓક્સફર્ડની કોરોના વેક્સીથી ગુડન્યૂઝ

જીવલેણ કોરોના વાયરસને ખતમ કરવા માટે એક્સ વેક્સીન ચમત્કારની નજીક પહોંચી ગઈ છે. ઓક્સફર્ડ યુનિવર્સિટી અને ફાર્માસ્યૂટિકલ કંપની AstraZenecaની આ વેક્સીને કોરોના પર પહેલી જીત મેળવી લીધી છે. પહેલા અને બીજા ફેઝના ટ્રાયલમાં વેક્સીન સફળ સાબિત થઈ છે. હવે ત્રીજા ફેઝનું ટ્રાયલ ચાલી રહ્યું છે. ભારતમાં તેની લોન્ચિંગ પહેલા વેક્સીનનું ટ્રાયલ ભારતમાં પણ કરવામાં આવશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ભારતની સીરમ ઈન્સ્ટીટ્યૂટનો મહત્વપૂર્ણ રોલ

એસ્ટ્રાજેનેકા અને ઓક્સફર્ડ યુનિવર્સિટી તરફથી વિકસીત કોરોના વેક્સીનમાં સીરમ ઈન્સ્ટીટ્યૂટ ઓફ ઈન્ડિયા (SII)નો પણ સાથ મળી રહ્યો છે. સીરમ ઈન્સ્ટીટ્યૂટ દુનિયામાં દવા બનાવતી સૌથી મોટી કંપનીઓમાંથી એક છે. આ દેશી કંપનીના સીઈઓ અદાર પૂનાવાલાએ કહ્યું કે, કંપની એક અઠવાડિયાની અંદર તેનું ક્લીનિકલ ટ્રાયલ શરૂ કરવાનું લાઈસન્સ લેવા માટે DCGI પાસે અરજી કરશે.

પહેલા બનશે 100 કરોડ ડોઝ

ભારતીય કંપની સીરમ ઈન્સ્ટીટ્યૂટ ઓફ ઈન્ડિયા પહેલા જ જાહેરાત કરી ચૂકી છે કે તે જેટલી પણ વેક્સીન બનાવશે તેનો 50 ટકા ભાગ ભારત અને 50 ટકા બાકી દેશો માટે હશે. એવામાં ઓક્સફર્ડની વેક્સીન તૈયાર થવા પર ભારતને 50 કરોડ ડોઝ મળશે.

ક્યાં સુધી આવશે રસી?

રસી લોન્ચ થવા પર સીરમ ઈન્સ્ટીટ્યૂટ ઓફ ઈન્ડિયાના અદાર પૂનાવાલાએ જણાવ્યું કે, ઓક્સફર્ડની વેક્સીન આ વર્ષના અંત સુધીમાં બનીને આવી જશે. કિંમત પર વાત કરતા તેમણે કહ્યું કે આ થોડું ઉતાવળ ભર્યું હશે પરંતુ આટલું નક્કી છે કે કિંમત સામાન્ય લોકોની પહોંચમાં હોય તે હિસાબથી નક્કી કરાશે. માનવામાં આવી રહ્યું છે કે સરકાર તેને લોકો સુધી કોઈપણ ચાર્જ વિના પહોંચાડશે.

લોન્ચ પહેલા ભારતમાં પણ ટ્રાયલ

આ વેક્સીનના હજુ પહેલા અને બીજા ફેઝના જ પરિણામ આવ્યા છે. જોકે ત્રીજા ફેઝનું ટ્રાયલમાં બ્રાઝિલમાં શરૂ થઈ ચૂક્યું છે. તેમાં 5 હજાર લોકો ભાગ લઈ રહ્યા છે. એવામાં ટ્રાયલ સાઉથ આફ્રિકામાં થશે. પછી સીરમ ઈન્સ્ટીટ્યૂટ ઓફ ઈન્ડિયા પણ ત્રીજા ફેઝના ટ્રાયલને ભારતમાં કરવાની મંજૂર માગી શકે છે.

આગામી ત્રણ મહિનામાં ભારતમાં બનશે લાખો ડોઝ

સીરમ ઈન્સ્ટીટ્યૂટ ઓક્સફર્ડ સાથે મળીને વેક્સીન બનાવવાની તૈયારી પૂરી કરી ચૂક્યું છે. આગામી ત્રણ મહિનામાં જ લાખો ડોઝ બનાવવાનું પ્લાનિંગ છે. તેને ભારતમાં જ બનાવવામાં આવશે. કંપની જલ્દી તેના માટે લાઈસન્સ મેળવવા એપ્લાય કરશે. કંપની આ વેક્સીન ઓછી અને મધ્યમ આવકવાળા દેશો માટે બનાવશે. કંપની શરૂઆતમાં એક બિલિયન ડોઝ તૈયાર કરશે. જેને મિડલ અને લો ઈનકમવાળા દેશોને અપાશે. તેમાં ભારત પણ શામેલ છે.

56 દિવસમાં 1 હજાર લોકો પર ટ્રાયલ

બ્રિટિશ રિસર્ચરોએ chAdOx1 nCoV-19 નામની આ વેક્સીનનું ટેસ્ટિંગ એપ્રિલમાં શરૂ કર્યું હતું. કુલ 56 દિવસ સુધી ચાલેલા ટ્રાયલમાં 23 એપ્રિલથી 21 મે વચ્ચે કુલ 1055 લોકો પર ટ્રાયલ થયું. તેમાં જાણવા મળ્યું કે વેક્સીન સુરક્ષિત હોવા સાથે વાયરસ સામે એન્ટીબોડી પણ બનાવી રહી છે.

વેક્સીનથી ડબલ ફાયદો

બ્રિટિશન મેગેઝિન લાન્સેટમાં આ વેક્સીનના પહેલા અને બીજા ફેઝના પરિણામો છપાયા છે. 18થી 55 વર્ષના કુલ 1107 લોકો પર કરાયેલા ટ્રાયલમાં જાણવા મળ્યું કે વેક્સીનથી શરીરને બે ફાયદા થાય છે. શરીરમાં એન્ટીબોડી પણ બને છે અને ઈમ્યુન સિસ્ટમને પણ મજબૂત કરવામાં મદદ મળી.

પેરાસિટામોલ જેવી દવાથી સાઈડ ઈફેક્ટ ઓછી થઈ

રિપોર્ટમાં આ વેક્સીન સેફ્ટી મામલે પણ સાચી સાબિત થઈ હોવાનું કહેવાયું છે. અને તેની કોઈ મોટી સાઈડ ઈફેક્ટ જોવા નળી મળી. સામાન્ય સાઈડ ઈફેક્ટ હતી, જે પેરાસિટામોલ જેવી દવાથી ઠીક થઈ ગઈ.

from Page Array – I Am Gujarat https://ift.tt/2E3MWYe