કોમ્યુનિટી ટ્રાન્સમિશન નથી છતા પણ ભારત કોરોનાથી સૌથી વધુ પ્રભાવિત દેશો પૈકી એક

અતુલ ઠાકુર & રીમા નાગરાજન, નવી દિલ્હીઃ ભારત પણ એવા દેશોમાં સામેલ છે જ્યાં કોરોના પોઝિટિવના કેસ 50000 કરતા વધુ છે તેમ છતા આ દેશો દાવો કરતા રહ્યા છે કે તેમને ત્યાં હજુ સુધી કોમ્યુનિટી સ્પ્રેડ શરું નથી થયો. આ દેશોમાં ભારત ઉપરાંત રશિયા, સાઉદી અરેબિયા, કુવૈત, પાકિસ્તાન અને ઈજિપ્ત છે. આ ઉપરાંત ભારતમાં કોરોના કેસનો ગ્રોથ પણ તેટલી જ ઝડપે વધી રહ્યો છે. દેશમાં છેલ્લા એક સપ્તાહથી નવા કોરોના કેસની એવરેજ 3.5 ટકા સાથે 22000 કેસ પ્રતિ દિવસની છે જ્યારે બીજા કોઈ દેશમાં નવા કોરોના કેસની એવરેજ પ્રતિ દિવસના 7000 કેસ અને 2 ટકા કરતા વધુ નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

9 એપ્રિલના રોજ જુદા જુદા દેશો દ્વારા WHOને આપવામાં આવેલ ડેટા મુજબ ક્યા દેશમાં કોરોના ક્યા સ્તર પર છે તે અંગે નક્કી કરવામાં આવ્યું હતું જોકે પાછળથી વિશ્વ આરોગ્ય સંસ્થાએ આ કામ જે તે દેશ પર છોડી દીધું હતું કે તેમણે નક્કી કરવાનું છે કે તેઓ કોરોનાના ક્યા સ્ટેજ પર છે. જેના માટે ક્લસ્ટર ઓફ કેસીસ નામથી એક નવું સ્ટેજ પણ તૈયાર કરવામાં આવ્યું જેની વ્યાખ્યા મુજબ એવા દેશો તેમાં પોતાને ગણાવી શકે જ્યાં કોરોનાના કેસ તો આવી રહ્યા હોય પરંતુ તે જે તે વિસ્તાર પૂરતા સિમિત હોય.

લાખો કેસ હોવા છતા ભારતે પણ આ સ્ટેજને પસંદ કર્યું અને પોતાને તે સમયથી જ ક્લસ્ટર્સ ઓફ કેસીસ સ્ટેજમાં રાખ્યું છે. આ ઉપરાંત જર્મની, સ્પેન અને ચીને પણ પોતાને કોમ્યુનિટી ટ્રાન્સમિશન સ્ટેજમાં ન હોવાનું કહ્યું છે. સ્પેન અને જર્મનીએ પોતે પહેલા કોમ્યુનિટી ટ્રાન્સમિશન સ્ટેજમાં હોવાનું સ્વીકાર્યું હતું પરંતુ જેવા દૈનિક નવા કેસની એવરેજ નીચે ગઈ કે તેમણે પણ પોતાને ક્લસ્ટર્સ ઓફ કેસીસ સ્ટેજમાં દર્શાવ્યા.

જ્યારે WHO મુજબ કોમ્યુનિટી ટ્રાન્સમિશનની વ્યાખ્યા આ પ્રમાણે છે. કોમ્યુનિટી ટ્રાન્સમિશન ત્યારે કહેવાય છે જ્યારે દેશમાં એક સાથે ખૂબ મોટી સંખ્યામાં નવા કેસ આવી રહ્યા હોય પણ તેના સંક્રમણની ચેન બની ન રહી હોય સાથે સાથે જુદા જુદા વિસ્તારમાં એકથી વધુ ક્લસ્ટર એક સાથે ઉભરી રહ્યા હોય તે સ્થિતિમાં આ સંક્રમણને કોમ્યુનિટી ટ્રાન્સમિશન ગણવામાં આવે છે.

from Page Array – I Am Gujarat https://ift.tt/2CgU9mE