નિયમિત આ કામ કરવાનું શરુ કરી દો, ઈમ્યૂનિટી આપોઆપ વધી જશે

ઈમ્યૂનિટી મજબૂત હોવી જરૂરી

ચોમાસાની સીઝનમાં ફ્લૂ અને સંક્રમણથી બચવા માટે જરૂરી છે કે તમે તમારી રોગપ્રતિકારક ક્ષમતાને મજબૂત બનાવીને રાખો. આમ કરવું આ સમયમાં કોરોના વાયરસથી બચવા માટે પણ જરૂરી છે. વરસાદની સીઝનમાં એમ પણ બીમારીઓ વધારે થાય છે, પરંતુ કોરોના મહામારીએ આ સીઝનને વધારે કષ્ટદાયી બનાવી દીધી છે. કારણ કે દર વખતે માત્ર ડેન્ગ્યુ અને મેલેરિયાનો જ ડર રહેતો હતો, પરંતુ આ વખતે તો કોવિડ-19 પણ છે. જાણો, કેટલીક નિયમિત ક્રિયાઓ વિશ જેનાથી તમે તમારા શરીરને મજબૂત બનાવીને રાખી શકો છો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ઊઠવાનો સમય

સવારના સમયે બની શકે એટલા જલ્દી બેડ પરથી ઊભા થઈ જાઓ. સૂર્યોદય પહેલા ઉઠશો તો વધારે સારું રહેશે. નહીં તો 6 વાગ્યે તો ઊઠી જ જવું. બાદમાં સૌથી પહેલા એક ગ્લાસ હુંફાળુ પાણી પીવો. ઈચ્છો તો વધારે પાણી પણ પી શકો છો. પરંતુ ઓછામાં ઓછું 1 ગ્લાસ તો પીવું જ.

– બ્રશ કરો, મોં ધોવો અને ફ્રેશ થઈને યોગ કરવાનું શરૂ કરો. યોગ કરવાનું મુશ્કેલ લાગે તો સૌથી સરળ આસન પસંદ કરો. જેમ કે, વજ્રાસન, શવાસન અને સુખાસન વગેરે.

એક કપ કાવો

-યોગાસનની 10 મિનિટ બાદ એક કપ કાવો અથવા તુલસીની ચાનું સેવન કરો. તેનાથી તમે વધારે ફ્રેશ અને એનર્જી ફીલ કરશો. તમે ઈચ્છો તો તેની સાથે 2-3 કૂકીઝ ખાઈ શકો છો.

– આ વચ્ચે તમે તમારા નિયમિત કામને પૂરા કરો અને સ્નાન કર્યા બાદ પૂજા કરો. ધર્મ અનુસાર ઈશ્વરનું ધ્યાન કર્યા બાદ જ કામની શરૂઆત કરો. આમ કરવાથી માનસિક રૂપથી સ્વસ્થ રહેવામાં અને પોતાના વિચારોને સકારાત્મક રાખવામાં મદદ મળશે.

નિયમિત આહાર

નિયમિત આહારમાં તે ફૂડ્સને સામેલ કરો, જેનાથી તમારા શરીરને જરૂરી વિટામિન્સ મળે છે. આ સીઝનમાં જે ત્રણ વિટામિન્સ પર સૌથી વધારે ધ્યાન આપવાનું છે, તે છે વિટામિન ડી, વિટામિન સી અને વિટામિન એ. અન્ય પોષક તત્વો પર પણ ધ્યાન આપવું.

ઊંઘવાનો સમય

જો તમને ઊંઘ પ્રત્યે ખૂબ પ્રેમ છે…પરંતુ આ પ્રેમ માત્ર સવારના સમયે જ આવે છે, તો તદ્દન ખોટું છે. બીમારીઓથી બચવા અને કોવિડ-19 સામે લડવા માટે શરીરને મજબૂત બનાવવું છે તો રાત્રે 10 વાગ્યે પથારીભેગા થઈ જાઓ.

– જેથી તમે પૂરતી ઊંઘ લઈ શકો અને સવારે 6 વાગ્યે જાગી શકો. શરૂઆતમાં આ રુટિન બનાવવામાં કેટલીક તકલીફો પડશે. પરંતુ ધીમે-ધીમે આદત પડી જશે પછી વાંધો નહીં આવે

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/2Z8kah5