પરિવારની મરજી વિરુદ્ધ લવ મેરેજ કરી રહી હતી છોકરી, પિતાએ ત્યાં જઈને કહ્યું- ‘દીકરીને કોરોના છે’

પરિવારે અટકાવ્યા યુવતીના લવ મેરેજ

મધ્ય પ્રદેશના ખંડવા જિલ્લામાં એક વિચિત્ર મામલો સામે આવ્યો છે. એક છોકરી પોતાના પરિવારની ઈચ્છા વિરુદ્ધ લવ મેરેજ કરી રહી હતી. છોકરા સાથે છોકરી કોર્ટમાં પહોંચી ગઈ. લગ્ન માટે કાગળની પ્રક્રિયા કોર્ટ પરિસરમાં ચાલી રહી હતી. આ વચ્ચે છોકરીનો પરિવાર ત્યાં પહોંચી ગયો. છોકરીના પરિવારનો છોકરો પસંદ નહોતો. એવામાં તેઓ કોઈપણ કિંમતે લગ્નને રોકવા ઈચ્છતા હતા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

કોર્ટમાં યુવતીને કોરોના થયો હોવાનું કહ્યું

છોકરીના પરિવારે ત્યાં ઉપસ્થિત વકીલને કહ્યું કે, છોકરી કોરોના પોઝિટિવ છે, તેનાથી દૂર રહો. આ બાદ ખંડવા જિલ્લા કોર્ટમાં હડકંપ મચી ગયો. આ સાથે જ છોકરીના પરિવારજનોએ પણ સ્વાસ્થ્ય વિભાગની હેલ્પલાઈન નંબર 104 પર ફોન કરીને તેની જાણકારી આપી દીધી. સ્થાનિક ન્યૂઝપેપરની રિપોર્ટ મુજબ, પરિજનોએ સ્વાસ્થ્ય વિભાગને કહ્યું કે, કોરોના પોઝિટિવ યુવતી કોર્ટમાં લગ્ન માટે સોગંદનામું બનાવી રહી છે.

વકીલે મદદ કરવાની ના પાડી દીધી

કોરોનાનું નામ સાંભળતા જ કોર્ટ પરિસરમાં હડકંપ મચી ગયો. સોગંદનામું બનાવવામાં લાગેલા વકીલે ના પાડી દીધી અને પહેલા કોરોના ટેસ્ટ કરાવવા કહ્યું. રિપોર્ટ નેગેટિવ આવશે તો જ ફરી મદદ કરવાનું કહ્યું. આવી પરિસ્થિતિમાં કોર્ટનો કોઈ વકીલ તમારો કેસ નહીં લે.

14 દિવસના હોમ ક્વોરન્ટાઈનમાં મોકલાઈ યુવતી

આ બાદ સ્વાસ્થ્ય વિભાગની ટીમ જિલ્લા કોર્ટ પહોંચી ગઈ. ટીમે છોકરીને જિલ્લા હોસ્પિટલમાં લઈ જઈને તેનું ટેસ્ટિંગ સેમ્પલ લીધું. બાદમાં તે છોકરીને 14 દિવસના હોમ ક્વોરન્ટાઈન પર મોકલી દેવાઈ. જાણકારી મુજબ, અમલપુરા વિસ્તારમાં રહેતી 19 વર્ષની યુવતી પોતાના જ સમાજના એક યુવક સાથે લગ્ન કરવા જઈ રહી હતી. બંને વચ્ચે વર્ષોથી પ્રેમ પ્રસંગ ચાલી રહ્યો હતો. પરંતુ પરિવારજનોને છોકરો પસંદ નહોતો.

from Page Array – I Am Gujarat https://ift.tt/2WKPGQw