યૂઝરે મેસેજ કરી આ સિંગર પાસે કરી ગંદી માગ, મળ્યો આવો જોરદાર જવાબ

યૂઝરને આપ્યો જોરદાર જવાબ

સેલેબ્સને સોશિયલ મીડિયા પર ટ્રોલ કરવો અને તેમના પર ગંદી કોમેન્ટ કરવી તે કોઈ નવી વાત નથી. આવો જ કડવો અનુભવ સાઉથની ફેમસ સિંગર ચિન્મયી શ્રીપદાને થયો. પરંતુ તેણે ચૂપ રહેવાના બદલે તેમજ ઈગ્નોર કરવાના બદલે જોરદાર જવાબ આપ્યો. ચિન્મયીએ આ વિશે પોતાના સોશિયલ મીડિયા અકાઉન્ટ ટ્વિટર દ્વારા આ વિશે જાણકારી આપી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સિંગરે યૂઝરની માગ આ રીતે પૂરી કરી

ચિન્મયીએ ટ્વિટર પર એક સ્ક્રીનશોટ શેર કર્યો જેમાં એક શખ્સે તેને મેસેજ કરી તેની ન્યૂડ તસવીરોની માગ કરી હતી, જેનો સિંગરે પણ જડબાતોડ જવાબ આપ્યો. ચિન્મયીને સેમેજ કરી એક શખ્સે લખ્યું હતું કે, ‘સેન્ડ ન્યૂડ્સ’. જેના જવાબમાં ચિન્મયીએ તેના લિપસ્ટિકના ન્યૂડ શેડ્સ શેર કરી લખ્યું કે, ‘મારા ફેવરિટ ન્યૂડ્સ છે’. જેનો સ્ક્રીનશોટ ચિન્મયીએ ટ્વિટર પર શેર કર્યો છે. જણાવી દઈએ કે લિપસ્ટિકના ન્યૂડ શેડ્સ તે કલર હોય છે, જે સ્કિનના ટોનને મેચ કરે છે અને હળવા કલરના હોય છે.

શખ્સ ટ્વિટર પર થઈ ગયો ટ્રોલ

ચિન્મયીના આ ટ્વીટ પર યૂઝર્સે તે શખ્સને ટ્રોલ કર્યો. યૂઝરે લખ્યું કે શખ્સે આવા જવાબની આશા નહીં રાખી હોય. તો કેટલાક યૂઝરે લખ્યું કે આવા લોકો માટે આનાથી સારો જવાબ હોઈ શકે નહીં. તો એક યૂઝરે લખ્યું છે કે આવા લોકોને જવાબ ન આપવો એ જ બેસ્ટ છે. તો બીજી તરફ ચિન્મયીની આ પોસ્ટથી ડરીને શખ્સે પોતાનું સોશિયલ મીડિયા અકાઉન્ટ ડિલીટ કરી દીધું છે.

હિંદી ફિલ્મોમાં પણ અવાજ આપી ચૂકી છે

ચિન્મયી સાઉથની જાણીતી સિંગર છે. તે ઘણી તેલુગુ અને તમિલ ફિલ્મોમાં સોન્ગ ગાઈ ચૂકી છે. આ સિવાય તે હિંદી ફિલ્મોમાં પણ પોતાનો અવાજ આપી ચૂકી છે. ચેન્નઈ એક્સપ્રેસનું સોન્ગ તિતલી અને હંસી તો ફંસીનું ઝહનસીબ સોન્ગ ચિન્મયીએ ગાયું છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WjUmOq