દેડકા બાદ પીળા રંગના કાચબાએ કુતૂહલ સર્જ્યું, હોય છે એકદમ ખાસ

પીળો કાચબો દેખાયો

ભાગ્યે જ જોવા મળતો પીળા રંગનો કાચબો ઓડિશાના સુજનપુર ગામમાંથી મળી આવ્યો છે. આ પછી સ્થાનિકોએ ફોરેસ્ટ ડિપાર્ટમેન્ટને આ વિશે વાત કરી હતી, અને કાચબો તેમને સોંપવામાં આવ્યો છે. આ રંગનો કાચબો જોઈને સ્થાનિકોને ભારે આશ્ચર્ય થયું હતું, કારણ કે આ રંગનો કાચબો તેમણે અગાઉ ક્યારેય જોયો નહોતો.

લોકોને થયું કુતૂહલ

પહેલા તો સ્થાનિકોને આ પ્રકારનો કાચબો જોઈને ભારે આશ્ચર્ય થયું હતું, ઘણાં લોકો તેનાથી ડરી પણ ગયા હતા, જોકે, આ પછી આ વિષયમાં વન વિભાગને જાણ કરવામાં આવી. વન વિભાગે આ કાચબા વિશેષતા અંગે ગ્રામજનોને જણાવ્યું ત્યારે લોકોને ભારે આશ્ચર્ય થયું હતું.

ભાગ્યે જ જોવા મળે છે

વાઈલ્ડ લાઈફ વોર્ડન ભાનુમિત્રા આચાર્યએ જણાવ્યું કે, આ પ્રકારનો કાચબો તેમણે પહેલા ક્યારેય જોયો જ નહોતો. તેમણે કહ્યું કે, “જે કાચબાને રેસ્ક્યુ કરવામાં આવ્યો છે તેનું સ્કેલ અને શરીરનો ભાગ પીળા રંગનો છે. આ ભાગ્યે જ જોવા મળતો કાચબો છે, મેં આ પહેલા ક્યારેય આવો કાચબો નથી જોયો.”

પીળા દેડકા દેખાયા હતા

પાછલા અઠવાડિયે આ રીતે પીળા રંગના દેડકાને જોઈને લોકોને ભારે કુતૂહલ થયું હતું, કારણ કે અગાઉ ક્યારેય કોઈએ પીળા રંગના દેડકા નહોતા જોડાયા. આ પીળા રંગના દેડકાનો વીડિયો ઘણો જ વાયરલ થયો હતો.

ખાસ હોય છે પીળા કાચબા

પીળા રંગના કાચબા સોફ્ટસેલના હોય છે. જે મોટાભાગે આફ્રિકા, એશિયા અને ઉત્તર અમેરિકામાં જોવા મળે છે. ફોરેસ્ટ ડિપાર્ટમેન્ટના જણાવ્યા પ્રમાણે, આ કાચબાનું વજન 30 કિલોગ્રામ જેટલું થઈ શકે છે અને તે 50 વર્ષ સુધી જીવી શકે છે.

from Page Array – I Am Gujarat https://ift.tt/2DWSGCV