નવી દિલ્હીઃ ભારતમાં સતત કોરોના વાયરસના કેસ ઝડપથી વધી રહ્યા છે. પાછલા 24 કલાકમાં દેશમાં કોરોના વાયરસના વાયરસના કેસનો આંકડામાં 30,000 કરતા વધારે કેસ ઉમેરાયા છે, જ્યારે બીજા નંબરે સૌથી વધુ 582 લોકોના વાયરસના કારણે મોત થવાની સાથે કુલ મૃત્યુઆંક 24,000ને પાર થઈ ગયો છે.
સરકારી આંકડા પ્રમાણે દેશમાં વધુ 30,141 કેસ મંગળવારે નોંધાયા છે, જેની સાથે કુલ કોરોના કેસનો આંકડો 9,36,994 થયો છે. આ પહેલા દેશમાં એક દિવસમાં નોંધાયેલા સૌથી વધુ કેસનો આંકડો રવિવારે 29,271 રહ્યો હતો.
રવિવારે અને સોમવારે દેશમાં નોંધાયેલા કોરોના કેસ અમેરિકા પછી બીજાન નંબરે રહ્યા છે. આ દરમિયાન ભારતે બ્રાઝીલને પણ પાછળ છોડી દીધું હતું. બ્રાઝીલમાં કોરોનાના વધતા કેસમાં શુક્રવારથી ઘટાડો નોંધાયો છે. આ સિવાય ભારતમાં મંગળવારે 10 રાજ્યમાં કોરોનાના 1000 કરતા વધારે નવા કેસ નોંધાયા છે. ભારતમાં એક દિવસમાં 608 લોકોના 4 જુલાઈના રોજ મોત થયા બાદ મંગળવારે બીજા નંબરે સૌથી વધારે 582 લોકોના મોત થયા.
માસ્ક ના પહેરવા માટે વિચિત્ર બહાના કાઢે છે અમદાવાદીઓ
ભારતમાં તામિલનાડુમાં 4,526, બિહારમાં 1,432, ગુજરાતમાં 915, મધ્યપ્રદેશમાં 798, હરિયાણામાં 699, કેરળમાં 608 અને ગોવામાં 170 નવા કેસ નોંધાયા છે.
જ્યારે મહારાષ્ટ્રમાં 6,741, દિલ્હીમાં 1,606, આસામમાં 1,001, રાજસ્થાનમાં 635 કોરોના કેસ નોંધાયા છે.
મહારાષ્ટ્રમાં સૌથી વધુ 213 લોકોના પાછલા 24 કલાકમાં મોત થયા, જ્યારે કર્ણાટકામાં 87, તામિલનાડુમાં 67, આંધ્રપ્રદેશમાં 43, દિલ્હીમાં 35, ઉત્તરપ્રદેશમાં 28 લોકોના મોત નોંધાયા છે.
મહારાષ્ટ્રમાં કુલ કેસનો આંકડો 2.5 લાખ, તામિલનાડુમાં 1.4 લાખ અને દિલ્હીમાં 1.1 લાખ થયો છે. જ્યારે ગુજરાતમાં કુલ કેસનો આંકડો 43,723 થયો છે.
from Page Array – I Am Gujarat https://ift.tt/3gUY0os
No comments:
Post a Comment