ભારતમાં કોરોના કમ્યુનિટી ટ્રાન્સમિશન શરુ, સ્થિતિ થઈ શકે છે વધારે ખરાબ

કોરોના વાયરસે ચિંતા વધારી

નવી દિલ્હીઃ દેશમાં કોરોના વાયરસના કેસ પોણા 11 લાખ પહોંચી ગયા છે. દેશમાં સતત કેસમાં વધારો થઈ રહ્યો છે. ઈન્ડિયન મેડિકલ એસોસિએશન (IMA)નું કહેવું છે કે દેશમાં કોરોના કમ્યુનિટી ટ્રાન્સમિશન શરુ થઈ ગયું છે. એટલે કે સ્થિતિ વધારે ગંભીર થઈ શકે છે. કમ્યુનિટી ટ્રાન્સમિશનમાં સંક્રમિત શખ્સને ખ્યાલ નથી હોતો કે તેને ચેપ ક્યાંથી લાગ્યો છે. આવામાં વાયરસનો સોર્સ શોધવો મુશ્કેલ બની જાય છે જે ચિંતા વધારનારો છે.

ભારતમાં કમ્યુનિટી સ્પ્રેડ

ન્યૂઝ એજન્સીને આપેલા ઈન્ટરવ્યુમાં IMAના ચેરમેન ડૉક્ટર વીકે મોંગાએ આ વાત કરી. તેમણે કહ્યું કે, કોરોના હવે ઝડપથી ફેલાઈ રહ્યો છે. રોજના કેસની સંખ્યા 30,000 પહોંચી રહી છે. દેશ માટે આ સાચે ખરાબ સ્થિતિ છે. કોરોના ગ્રામીણ વિસ્તારોમાં ફેલાયો છે જે ખરાબ સંકેત છે. એ દર્શાવે છે કે કમ્યુનિટી સ્પ્રેડ શરુ થઈ ગયું છે.

નવા હોટસ્પોટ બનવાનો ડર

મોંગાએ જણાવ્યું કે દિલ્હી જેવા મોટા શહેરોમાં કોરોના હવે કંટ્રોલમાં કરાઈ રહ્યો છે પરંતુ મહારાષ્ટ્ર, કર્ણાટકા, કેરળ, ગોવા, મધ્યપ્રદેશના આંતરિક વિસ્તારોમાં નવા હોટસ્પોટ બની રહ્યા છે. તેમણે રાજ્ય સરકારને કેન્દ્ર સરકારની મદદ લઈને તમામ શક્ય પગલા ભરવાની સલાહ આપી છે.

ત્રણ દિવસમાં 30,000 કેસ

ભારતમાં પાછલા ત્રણ દિવસમાં સતત રોજના 30,000 કરતા વધારે કેસ નોંધાઈ રહ્યા છે. તેની સાથે જ કોરોના સંક્રમિત લોકોની કુલ સંખ્યા વધીને 10,76,861 થઈ ગઈ છે, જેમાં કુલ 26,787 લોકોના મોત થઈ ગયા છે. દેશમાં કુલ એક્ટિવ કેસ 3.74 લાખ છે જ્યારે 6.75 લાખ લોકો વાયરસને હરાવીને સ્વસ્થ થઈને પોતાના ઘરે પરત ફર્યા છે.

from Page Array – I Am Gujarat https://ift.tt/398NZBq