દરરોજ 2 એસ્પિરિન અને કેન્સરનું જોખમ 50 ટકા જેટલું ઘટશે, નવા સંશોધનમાં દાવો

2 એસ્પિરિન દરરોજ કેન્સરનું જોખમ ઘટશે

પાર્થ શાસ્ત્રી, અમદાવાદઃ સામાન્ય રીતે પીડા, તાવ અથવા બળતરા જેવી સ્થિતિમાં લેવામાં આવતી એસ્પિરિન, લિંચ સિન્ડ્રોમવાળા વ્યક્તિઓમાં કોલોરેક્ટલ અને એન્ડોમેટ્રીયલ (આંતરડા અથવા આંતરડા, ગુદામાર્ગ, પેટ અને ગર્ભાશય) કેન્સરનું જોખમ પણ ઘટાડી શકે છે. શુક્રવારે મેડિકલ જર્નલ ધ લાન્સેટમાં 10 વર્ષ લાંબા અભ્યાસના પરિણામો પ્રકાશિત થયા હતા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

20 વર્ષ સુધી કરવામાં આવ્યો અભ્યાસ

અભ્યાસ, ‘CAPP2 અધ્યયનમાં વારસાગત કોલોરેક્ટલ કેન્સર (લિંચ સિન્ડ્રોમ) માં એસ્પિરિન દ્વારા કેન્સર નિવારણ અંગે 10વર્ષના ફોલોઅપ અને રજિસ્ટ્રી આધારિત 20નો વર્ષ ડેટા: ડબલ-બ્લાઇન્ડ, રેન્ડમાઇઝ્ડ, પ્લેસબો-નિયંત્રિત પ્રયોગ’ નામથી યુકેના પ્રો. સર જોન બર્ન અને પ્રોફેસર ડી ટિમોથી બિશપ દ્વારા આ સંશોધન કરવામાં આવ્યું હતું જેમાં અમદાવાદના ડો. હર્ષ શેઠ દ્વારા ડેટા વિશ્લેષણ કરાયું હતું.

લિંચ સિન્ડ્રોમમાં પણ ફાયદાકારક

સંશોધનકારોએ જણાવ્યું હતું કે લિંચ સિન્ડ્રોમ ધરાવતા લોકોને કેન્સર થવાનું જોખમ વધારે હોય છે. તેમણે પોતાના સંશોધનના તારણોનો સારાંશ આપતા કહ્યું કે દર 200 વ્યક્તિઓમાંથી એકમાં લિંચ સિન્ડ્રોમ જોવા મળે છે. આ સિન્ડ્રોમ ધરાવનાર વ્યક્તિ જો સરેરાશ અઢી વર્ષ સુધી દિવસમાં બે એસ્પિરિન લે છે, તો તેને કેન્સરનું જોખમ પચાસ ટકા જેટલું ઘટી જાય છે. આવી વ્યક્તિ દવા લેવાનું બંધ કરે છે ત્યારે બાદ પણ તેની અસરો 20 વર્ષ સુધી અનુભવી શકાય છે.

એસ્પિરિન કેન્સરના જોખમને ઘટાડે છે

ન્યૂકાસલ યુનિવર્સિટીના પ્રોફેસર બર્ને અમારા સહયોગી ટાઈમ્સ ઓફ ઇન્ડિયા સાથે વાત કરતા જણાવ્યું કે, એસ્પિરિનની અસરોમાં તેની રૂચિ 1996 માં શરૂ થઈ હતી, જ્યારે તેમણે દવાની કેન્સરને રોકવાની ક્ષમતા અંગે તપાસ કરવાનું શરું કર્યું હતું. ‘અમે કરેલો પ્રયોગ એક રેન્ડમાઇઝ્ડ નિયંત્રિત પ્રયોગ હતી. એસ્પિરિનની અસરોની ખાતરી કરવા માટે આ અભ્યાસને અનુસરવામાં આવ્યો હતો અને 20 વર્ષ સુધી ડેટા એકત્રિત કરવામાં આવ્યો હતો. જેના પરિણામો આશ્ચર્યજનક છે.’

વિશ્વભરમાંથી 861 લોકો પર 20 વર્ષ સુધી પ્રયોગ

આ પ્રયોગ અંતર્ગત વિશ્વભરમાંથી લિંચ સિન્ડ્રોમ ધરાવાત 861 વ્યક્તિઓને જુદા જુદા 43 સ્થળોએથી સામેલ કવરામાં આવ્યા હતા. તેમને બે વર્ષ સુધી દરરોજ 600mg એસ્પિરિન અથવા પ્લેસિબો આપવામાં આવતા હતા અને વાર્ષિક ધોરણે તેમનું ફોલોઅપ કરવામાં આવતું હતું. અગાઉ, દર્દીઓમાં અસરો જોવા માટે પાંચ વર્ષ સુધી તેનું અનુસરણ કરવામાં આવતું હતું, જેનાં પરિણામો 2011 માં પ્રકાશિત થયાં હતાં.

તમામ પ્રકારના કેન્સરનું જોખમ 37 ટકા સુધી ઘટે છે

ડો. શેઠે જણાવ્યું હતું કે, “ડેટા દર્શાવે છે કે જે લોકોએ બે વર્ષથી એસ્પિરિન લીધી હતી ત્યાં આંતરડાના કોન્સરના કેસ 50% ઓછા જોવા મળ્યા હતા,” , FRIGE’s હ્યુમન જિનેટિક્સ સંસ્થા સાથે સંકળાયેલ ડો. શેઠે વધુમાં કહ્યું કે, “એસ્પિરિનના કારણે લિંચ સિન્ડ્રોમના બધા દર્દીઓમાં તમામ પ્રકારના કેન્સરનું જોખમ લગભગ 37% જેટલું ઘટ્યું હતું.”

વૈશ્વિક મેડિકલ જર્નલમાં પ્રસિદ્ધ થયો અભ્યાસ

ત્યારે હવે એ સવાલ થાય કે આ અભ્યાસથી ભારતવાસીઓને શું ફાયદો છે? પ્રો. બર્ને જણાવ્યું હતું કે ભારતમાં લાલ માંસનો ઓછો વપરાશ અને ઓછા મેદસ્વીપણા જેવા જોખમી પરિબળો પ્રમાણમાં ઓછા છે. “પરંતુ વસ્તીની બદલાતી સામાજિક-આર્થિક રૂપરેખા સાથે, ભારતમાં ભવિષ્યમાં કેન્સરનું પ્રમાણ વધુ હોઈ શકે છે,” તેમણે કહ્યું. “એસ્પિરિન એક ઓવર-ધ-કાઉન્ટર અને ઓછી કિંમતવાળી દવા છે જે ખર્ચ અને હેલ્થકેર સિસ્ટમ પરનો ભાર ઘટાડે છે.”  ડો. શેઠ ભારતમાં કોલોરેક્ટલ કેન્સરના દર્દીઓમાં લિંચ સિન્ડ્રોમના વ્યાપને ઘટાડવા માટે શોધ કરી રહ્યા છે. આ અભ્યાસ માટે ગુજરાત રાજ્ય બાયોટેક મિશન દ્વારા નાણાં પૂરા પાડવામાં આવે છે.

from Page Array – I Am Gujarat https://ift.tt/2YwUHwh